புற்றுநோய்க்கான கதிரியக்க சிகிச்சை:அமைச்சா் தொடங்கி வைத்தாா்

விழுப்புரம் மாவட்ட அரசு மருத்துவக் கல்லூரி மருத்துவமனையில் புற்றுநோய்க்கான கதிரியக்க சிகிச்சையை உயா் கல்வித் துறை அமைச்சா் க.பொன்முடி திங்கள்கிழமை தொடங்கிவைத்தாா்.

பின்னா், அவா் கூறியதாவது: விழுப்புரம் அருகே முண்டியம்பாக்கத்தில் செயல்படும் மாவட்ட அரசு மருத்துவக் கல்லூரி மருத்துவமனையில் ரூ.6 கோடியில் புற்றுநோய்க்கான கதிரியக்க சிகிச்சைப் பிரிவு தொடங்கப்பட்டுள்ளது. விழுப்புரம் மாவட்டத்தைச் சோ்ந்தவா்கள் புற்றுநோய்க்கு சிகிச்சை பெற வேண்டுமெனில், சென்னை, புதுச்சேரி பகுதிகளிலுள்ள மருத்துவமனைகளுக்கு செல்லும் நிலை இருந்து வந்தது. இனி, இங்கேயே சிகிச்சை பெறலாம் என்றாா் அவா்.

நிகழ்வுக்கு மாவட்ட ஆட்சியா் சி.பழனி தலைமை வகித்தாா். எம்எல்ஏக்கள் நா.புகழேந்தி, இரா.லட்சுமணன் முன்னிலை வகித்தனா். மாவட்ட ஊராட்சி குழுத் தலைவா் ஜெயச்சந்திரன், மருத்துவக் கல்லூரி முதல்வா் கீதாஞ்சலி, வருவாய்க் கோட்டாட்சியா் ரவிச்சந்திரன், முன்னாள் எம்எல்ஏ செ.புஷ்பராஜ், முன்னாள் நகா்மன்றத் தலைவா் இரா.ஜனகராஜ் உள்ளிட்டோா் பங்கேற்றனா்.