சென்னையில் விரைவில் ஆா்ப்பாட்டம்: வேளாண் அலுவலா்கள் சங்கம் முடிவு

ஊதிய உயா்வு உள்ளிட்ட பல்வேறு கோரிக்கைகளை நிறைவேற்றக் கோரி, சென்னையில் விரைவில் கவன ஈா்ப்பு ஆா்ப்பாட்டம் நடத்தப்படும் என்று தமிழ்நாடு வேளாண் தொழில் மேலாண்மை அலுவலா்கள் சங்கத்தின் மாநிலத் தலைவா் செந்தில்குமாா் தெரிவித்தாா்.

இதுகுறித்து விழுப்புரத்தில் செவ்வாய்க்கிழமை நடைபெற்ற சங்கத்தின் ஆலோசனைக் கூட்டத்தில் பங்கேற்று பேசிய பின்னா், அவா் செய்தியாளா்களிடம் கூறியதாவது:

ஒவ்வொரு வட்டாரத்துக்கும் ஒரு வட்டாரத் தொழில்நுட்ப மேலாளா், இரண்டு உதவித் தொழில்நுட்ப மேலாளா்கள் என 3 போ் வீதம் தமிழகம் முழுவதும் கடந்த 10 ஆண்டுகளாக தொகுப்பூதியத்தில் தற்காலிக பணியாளா்களாக வேளாண் தொழில்நுட்ப மேலாளா்கள் பணியாற்றி வருகின்றனா். இதில், விவசாயத்தில் பட்டயப்படிப்பு முதல் முதுநிலை பட்டம் முடித்தவா்கள் வரை பணியாற்றுகின்றனா்.

கடந்த 10 ஆண்டுகளாக இவா்களுக்கு கிடைக்க வேண்டிய அடிப்படை சலுகைகள் கிடைக்கவில்லை. மற்றவா்களுக்கு ஊதிய உயா்வு வழங்கப்பட்ட போதிலும், இவா்களுக்கு இதுவரை ஊதிய உயா்வு வழங்கப்படவில்லை. தினமும் அலுவலகம் சென்று பணியாற்றியபோதும், அட்மா செயலி மூலம் இணையம் வழியாக வருகையைப் பதிவு செய்தால் மட்டுமே ஊதியம் என்ற நிலை உள்ளது.

உயா் தொழில்நுட்பங்களை விவசாயிகளிடம் கொண்டு சோ்த்து, விவசாய உற்பத்தியை பெருக்க பாடுபட்டு வருகிறோம். அரசுடனும், வேளாண் துறையுடனும் இணைந்து பணியாற்றியும் கிடைக்க வேண்டிய உரிமைகள் தமிழ்நாடு வேளாண் தொழில் மேலாண்மை அலுவலா்களுக்கு கிடைக்கவில்லை. எனவே, முதல்வரின் கவனத்தை ஈா்க்கும் வகையில், சென்னையில் விரைவில் கவன ஈா்ப்பு ஆா்ப்பாட்டம் நடத்தப்படும் என்றாா் செந்தில்குமாா்.

கூட்டத்துக்கு சங்கத்தின் மாவட்டத் தலைவா் சாம்பசிவம் தலைமை வகித்தாா். மாநில, மாவட்ட நிா்வாகிகள் கூட்டத்தில் பங்கேற்றனா்.