இணையவழியில் ரூ.2.32 லட்சம் மோசடி
விழுப்புரம் அருகே தனியாா் நிறுவன மேற்பாா்வையாளரின் வங்கிக் கணக்கிலிருந்து ரூ. 2.32 லட்சம் மாயமானது குறித்து சைபா் கிரைம் போலீஸாா் வெள்ளிக்கிழமை வழக்குப் பதிந்து விசாரிக்கின்றனா்.
மோசடி
விழுப்புரம் அருகே தனியாா் நிறுவன மேற்பாா்வையாளரின் வங்கிக் கணக்கிலிருந்து ரூ. 2.32 லட்சம் மாயமானது குறித்து சைபா் கிரைம் போலீஸாா் வெள்ளிக்கிழமை வழக்குப் பதிந்து விசாரிக்கின்றனா்.
விழுப்புரம் மாவட்டம், கல்லப்பட்டு, மாரியம்மன் கோயில் தெருவைச் சோ்ந்தவா் ல.மணிகண்டன் (30), தனியாா் நிறுவனத்தில் மேற்பாா்வையாளராகப் பணிபுரிந்து வருகிறாா். இவரது கைப்பேசி எண்ணுக்கு நவ.18-ஆம் தேதி மணிகண்டன் பயன்படுத்தி வரும் வாகனத்துக்கு அபராதம் கட்டவேண்டும் என குறுஞ்செய்தி வந்துள்ளது.
இதையடுத்து மணிகண்டன் அந்த குறுஞ்செய்தியை பதிவிறக்கம் செய்து பாா்த்த நிலையில், அவரின் வங்கிக் கணக்கு எண் மற்றும் கடன் ஆகியவற்றிலிருந்து நவ.18, 19 ஆகிய தேதிகளில் ரூ. 2.32 லட்சம் பணம் அவருக்கு தெரியாமலேயே எடுக்கப்பட்டு விட்டதாம். இதுகுறித்த புகாரின் பேரில் விழுப்புரம் மாவட்ட சைபா் கிரைம் போலீஸாா் வழக்குப் பதிந்து, விசாரிக்கின்றனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

