என் தொழிலில் எப்பொழுது முன்னேற்றம் உண்டாகும்? எனது மகள்களுக்கு திருமணம் எப்பொழுது நடக்கும்..? தந்தையின் சொத்து எனக்கு கிடைக்குமா..?

என் தொழிலில் எப்பொழுது முன்னேற்றம் உண்டாகும்? எனது மகள்களுக்கு திருமணம் எப்பொழுது நடக்கும்..? தந்தையின் சொத்து எனக்கு கிடைக்குமா..? 

- வாசகர், தருமபுரி.

உங்களுக்கு கடக லக்னம், கும்ப ராசி, அவிட்டம் நட்சத்திரம். லக்னாதிபதி சந்திர பகவான் அஷ்டம ஸ்தானத்தில் இருப்பது சிறப்பு. பூர்வ புண்ணிய தொழில் ஸ்தானாதிபதி செவ்வாய் பகவான் லாப ஸ்தானத்தில் அமர்ந்து பூர்வ புண்ணிய ஸ்தானத்தையும் அங்கமர்ந்திருக்கும் களத்திர நட்பு, அஷ்டமாதிபதியான சனி பகவானையும் பார்வை 
செய்கிறார். 
ருணம், ரோகம், சத்ரு ஸ்தானமான ஆறாம் வீட்டிற்கும், ஒன்பதாம் வீடான பாக்கிய ஸ்தானத்திற்கும் அதிபதியான குரு பகவான் சுக ஸ்தானமான நான்காம் வீட்டில் அமர்ந்து ஐந்தாம் பார்வையாக அஷ்டம ஸ்தானத்தையும் அங்கமர்ந்திருக்கும் சந்திர (குரு சந்திர யோகம்) பகவானையும், ஏழாம் பார்வையாக தொழில் ஸ்தானமான பத்தாம் வீட்டையும், ஒன்பதாம் பார்வையாக அயன ஸ்தானத்தையும் பார்வை செய்கிறார். 
தனாதிபதி சூரிய பகவான் தைரிய ஸ்தானத்தில் சுய சாரத்தில் அமர்ந்திருக்கிறார். உங்களுக்கு தற்சமயம் புத பகவானின் தசையில் செவ்வாய் பகவானின் புக்தி நடக்கிறது. 
புத பகவானின் தசையில் பிற்பகுதி நடக்கத் தொடங்கி உள்ளதால் படிப்படியாக உங்கள் வாழ்வில், செய்தொழிலில் முன்னேற்றம் உண்டாகத் தொடங்கிவிடும். குரு பகவான் வலுத்திருப்பதால் உங்கள் பெண்களுக்கும் நல்ல இடத்தில் திருமணம் கைகூடும். தந்தையின் சொத்து வர வாய்ப்பில்லை. பிரதி ஞாயிற்றுக்கிழமைகளில் சிவபெருமானை வழிபட்டு வரவும்.