ஏப்ரல் மாத எண்கணித பலன்கள் – 2

2, 11, 20, 29 ஆகிய தேதிகளில் பிறந்தவர்களுக்கு

எந்த குழப்பமான காரியங்களிலும் தெளிவான முடிவெடுக்கும் இரண்டாம் எண் அன்பர்களே இந்த மாதம் பணவரத்து இருக்கும். தடைபட்ட காரியங்கள் சாதகமாக நடந்து முடியும். வீண் மன குழப்பங்களை ஏற்பட்டாலும் முடிவில் தெளிவு உண்டாகும். சொன்ன சொல்லை காப்பாற்ற பாடுபட வேண்டி இருக்கும். குடும்பத்தில் தேவையற்ற குழப்பங்கள் ஏற்பட்டு சரியாகும்.

தொழில் வியாபாரம் லாபகரமாக நடக்கும். தொழில் விரிவுபடுத்துவது பற்றிய ஆலோசனை மேற்கொள்வீர்கள். அனுபவப்பூர்வமான அறிவு திறன் கைகொடுக்கும். உத்தியோகத்தில் இருப்பவர்களுக்கு முக்கிய பொறுப்பு கிடைக்கலாம்.

பெண்களுக்கு தடைபட்டு வந்த காரியத்தை வெற்றிகரமாக செய்து முடிப்பீர்கள். அரசியல்துறையினருக்கு கடித போக்குவரத்து சாதகமான பலன் தரும். கலைத்துறையினருக்கு முயற்சிகள் கை கொடுக்கும். மாணவர்களுக்கு கூடுதல் நேரம் ஒதுக்கி பாடங்களை படிப்பதன் மூலம் கல்வியில் வெற்றி உண்டாகும்.

பரிகாரம்: அம்பாளுக்கு மல்லிகை மலர் கொடுத்து வணங்கி வர காரியங்கள் கைகூடும்.