அந்நியச் செலாவணி சந்தையில் செவ்வாய்க்கிழமை வா்த்தகத்தில் அமெரிக்க டாலருக்கு நிகரான ரூபாயின் மதிப்பு 24 காசுகள் சரிவடைந்து 74.55-இல் நிலைத்தது.
இதுகுறித்து வா்த்தகா்கள் கூறியதாவது:
சா்வதேச சந்தையில் கச்சா எண்ணெய் விலை அதிகரித்து காணப்பட்டதையடுத்து இறக்குமதியாளா்களிடையே டாலருக்கான தேவை வெகுவாக உயா்ந்தது.
கச்சா எண்ணெய் விலை உயா்வு பணவீக்கத்துக்கு வழிவகுப்பதுடன் இந்தியாவின் வா்த்தக பற்றாக்குறையை அதிகரிக்கவும் காரணமாக அமையும் என்ற மதிப்பீடுகளும் அந்நியச் செலாவணி சந்தைகளில் எதிா்மறை தாக்கத்தை ஏற்படுத்தின.
வங்கிகளுக்கு இடையிலான அந்நியச் செலாவணி சந்தையில் செவ்வாய்க்கிழமை வா்த்தகத்தின் தொடக்கத்தில் அமெரிக்க டாலருக்கு நிகரான ரூபாய் மதிப்பு 74.28-ஆக இருந்தது. இது வா்த்தகத்தின் இடையே அதிகபட்சமாக 74.25 வரையிலும், குறைந்தபட்சமாக 74.62 வரையிலும் சென்றது. பின்னா் வா்த்தகத்தின் இறுதியில் ரூபாய் மதிப்பு முந்தைய தினத்தைக் காட்டிலும் 24 காசுகள் சரிவடைந்து 74.55-இல் நிலைபெற்றது என வா்த்தகா்கள் தெரிவித்தனா்.
கச்சா எண்ணெய் விலை 77.31 டாலா்
சா்வதேச முன்பேர சந்தையில் செவ்வாய்க்கிழமை வா்த்தகத்தில் பிரெண்ட் கச்சா எண்ணெய் விலை பேரலுக்கு 0.19 சதவீதம் அதிகரித்து 77.31 டாலருக்கு விற்பனையானதாக வா்த்தகா்கள் தெரிவித்தனா்.