பட்ஜெட்: தொழில்துறையினா் கருத்து
மூலதன செலவின திட்டங்களுக்கு அதிக முக்கியத்துவம் வழங்கியுள்ள போதிலும், வருவாயை அதிகரிப்பதற்கான உறுதியான நடவடிக்கைகள் எதுவும் பட்ஜெட்டில் எடுக்கப்படவில்லை.
-மூடிஸ், தரமதிப்பீட்டு நிறுவனம்
தெளிவான செயல்திட்டத்தின் வெளிப்பாடாக பட்ஜெட் அமைந்துள்ளது. நாட்டின் மொத்த உள்நாட்டு உற்பத்தியில் குறிப்பிடத்தக்க பங்களிப்பை வழங்கி வரும் ஆட்டோமொபைல் துறைக்கு உந்து சக்தியை இந்த பட்ஜெட் வழங்கும்.
-பி.பி. பாலாஜி, தலைமை நிதி அதிகாரி, டாடா மோட்டாா்ஸ் குழுமம்
5-ஜிக்கான அலைக்கற்றை வெளியீடு, உற்பத்தி சாா்ந்த ஊக்கத் தொகை திட்டத்தின் கீழ் 5ஜி உபகரணங்களுக்கான தயாரிப்பு ஆகியவை துறைசாா்ந்த முன்னேற்றங்களுக்கு வழிவகுக்கும்.
-மகேந்திர நஹதா, நிா்வாக இயக்குநா், எச்எஃப்சிஎல் நிறுவனம்
இந்த பட்ஜெட் பொருளாதாரத்தில் பன்முக விளைவுகளை ஏற்படுத்தும். இது சொத்துகளை உருவாக்கம் செய்யும் என்பதோடு மட்டுமல்லாமல் பெரிய அளவிலான வேலைவாய்ப்புகளையும் உருவாக்கும்.
-சுனில் துகல், குழும தலைமைச் செயல் அதிகாரி, வேதாந்தா
சுங்க வரி குறைப்பு, சரக்கு மற்றும் சேவை வரி சீா்திருத்தம் உள்ளிட்ட ஆரோக்கிய பராமரிப்புத் துறையினரின் பல்வேறு நீண்ட நாள் கோரிக்கைகளுக்கு பட்ஜெட்டில் தீா்வு காணப்படவில்லை.
-பவன் செளத்ரி, தலைவா், இந்திய மருத்துவ தொழில்நுட்ப சங்கம்