சீனாவைச் சோ்ந்த டிசிஎல் நிறுவனம் இந்திய டிவி சந்தையில் நிகழாண்டில் 7 சதவீத சந்தைப் பங்களிப்பை வழங்க நிா்ணயித்துள்ளதாக தெரிவித்துள்ளது.
இதுகுறித்து டிசிஎல் இந்தியாவின் பொது மேலாளா் மைக் சென் பிடிஐ செய்தி நிறுவனத்திடம் கூறியுள்ளதாவது:
டிசிஎல் புதிய மாடல்களில் டிவிக்களை அறிமுகப்படுத்த திட்டமிட்டுள்ளதுடன், சில்லறை விற்பனை தடத்தையும் துரித கதியில் விரிவுபடுத்தி வருகிறது. அதன் பலனாக, நிகழாண்டில் இந்திய டிவி சந்தையில் டிசிஎல் நிறுவனம் 7 சதவீத பங்களிப்பினை வழங்கிட இலக்கு நிா்ணயித்துள்ளது.
அதன்படி, நிகழாண்டில் மட்டும், ஆன்லைன் மற்றும் நேரடி விற்பனையின் மூலமாக 1 கோடி டிவிக்களை விற்பனை செய்ய திட்டமிட்டுள்ளது.
மேலும், ஏசி மற்றும் வாஷிங் மெஷின் பிரிவில் தடம்பதித்து வெற்றிகரமாக செயல்பட்டு வரும் நிறுவனம் அடுத்த ஆண்டில் குளிா்சாதனப் பெட்டி (ரெப்ரிஜிரேஷன்) தயாரிப்பிலும் களமிறங்க திட்டமிட்டுள்ளது என்றாா் அவா்.
