யமஹா விற்பனை 55,289-ஆக உயா்வு

இந்தியா யமஹா மோட்டாா் நிறுவனத்தின் கடந்த அக்டோபா் மாத விற்பனை 55,289-ஆக உயா்ந்துள்ளது.

இது குறித்து நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது:

கடந்த அக்டோபா் மாதத்தில் நிறுவனத்தின் 55,289 இரு சக்கர வாகனங்கள் விற்பனையாகின.

முந்தைய 2022-ஆம் ஆண்டின் இதே மாதத்தில் இந்த எண்ணிக்கை 50,201-ஆக இருந்தது. அதனுடன் ஒப்பிடுகையில் தற்போது நிறுவன இரு சக்கர வாகனங்களின் விற்பனை 10.13 சதவீதம் அதிகரித்துள்ளது.

மதிப்பீட்டு மாதத்தில் நிறுவனத்தின் சந்தைப் பங்கு 3.67 சதவீதமாக அதிகரித்துள்ளது. இது, கடந்த ஆண்டு அக்டோபரில் 2.91 சதவீதமாக இருந்தது என்று அந்த அறிக்கையில் குறிப்பிடப்பட்டுள்ளது.

கடந்த அக்டோபரில் 4,17,750 இரு சக்கர வாகனங்களை விற்பனை செய்து ஹீரோ மோட்டோகாா்ப் நிறுவனம் தொடா்ந்து முதலிடம் வகிக்கிறது. எனினும், 2022 அக்டோபரில் 32.88 சதவீதமாக இருந்த அந்த நிறுவனத்தின் சந்தைப் பங்கு இந்த அக்டோபரில் 27.71 சதவீதமாகக் குறைந்துள்ளது.