யுவன் சங்கர் ராஜாவின் வருத்தம்

சமூக வலை தளங்களில் என் ரசிகர்கள், மற்ற இசையமைப்பாளர்களின் ரசிகர்ளோடு மோதிக் கொள்வதை அறிந்து வருத்தமடைவதாக இசையமைப்பாளர் யுவன் சங்கர் ராஜா தெரிவித்துள்ளார். யாருக்கு யாரும் எதிரியில்லை. எல்லாருமே நட்புடன்தான் இருந்து வருகிறோம். எனக்கு யாரிடமும், எந்த ஈகோவும் கிடையாது. எல்லாருக்குமே நம் இசையை நான்கு பேர் ரசிக்க வேண்டும் என்கிற விருப்பம் இருக்கும். அதற்காகத்தான் எல்லாரும் வேலை பார்க்கிறார்கள். அதே ஆர்வத்துடன்தான் நானும் வேலை பார்த்து வருகிறேன். "மரியான்' படத்துக்காக ஏ.ஆர்.ரஹ்மான் இசையில் பாடியது மகிழ்ச்சியளிக்கிறது. இந்த நட்பு எல்லா இசையமைப்பாளர்களுடனும் தொடரும். என் இசை ரசிகர்களும் அப்படித்தான் இருக்க வேண்டும்.  - "தங்க மீன்கள்' இசை வெளியீட்டு விழாவில் இசையமைப்பாளர் யுவன்ஷங்கர்ராஜா.