கமலின் ‘பாபநாசம்’ படத்துக்கு வரிவிலக்கு மறுக்கப்பட்டது ஏன்? முழு விவரம்

கமல் நடித்துள்ள பாபநாசம் படத்துக்கு வரிவிலக்கு அளிக்க தமிழக அரசு மறுத்துள்ளது. யு சான்றிதழ் பெற்ற படம் என்றாலும் சில காட்சிகள் வரிவிலக்கு அளிக்க உகந்ததாக இல்லை என அரசுத் தரப்பில் விளக்கம் அளிக்கப்பட்டுள்ளது.

ஜீத்து ஜோசப் இயக்கத்தில் கமல் நடித்து சென்ற வாரம் வெளியான பாபநாசம் படம் ரசிகர்களின் பாராட்டுகளோடு நன்றாக ஓடிக்கொண்டிருக்கிறது. இந்தப் படத்துக்கு தமிழக அரசின் வரிவிலக்கு கிடைக்கும் என எதிர்பார்க்கப்பட்டது. ஆனால் பல்வேறு காரணங்களை விளக்கி, பாபநாசம் படத்துக்கு வரிச்சலுகை அளிக்க அரசு மறுத்துள்ளது.

கொலையை மறைக்கிற மனோபாவத்தை நியாயப்படுத்துவது, காவல்துறையின் கண்ணியமான செயல்பாட்டுக்கு இழுக்காக அமைந்த காட்சிகள், தவறு செய்யும் ஒருவன் பாவம் தொலைக்க ஆற்றில் குளித்தால் பாவம் போகும் என்ற பிற்போக்குச் சிந்தனை, பள்ளி மாணவியைக் குளிக்கும்போது படம் பிடித்துக் காண்பிப்பது போன்ற காரணங்களை முன்னிறுத்தி படத்துக்கு வரிவிலக்கு மறுக்கப்பட்டுள்ளது.

படத்தைப் பார்வையிட்ட தேர்வுக்குழுவின் பரிந்துரை விவரங்கள்: