கஹானி 2 படப்பிடிப்புக்காக அமெரிக்காவிலிருந்து சமீபத்தில் மும்பைக்குத் திரும்பிய பிரபல பாலிவுட் நடிகை வித்யா பாலன், டெங்கு காய்ச்சலால் பாதிக்கப்பட்டார்.
அமெரிக்காவிலிருந்த திரும்பிய வித்யா பாலனுக்குத் திடீரென உடல்நலக்குறைவு ஏற்பட்டது. பரிசோதனை செய்து பார்த்ததில் அவர் டெங்கு காய்ச்சலால் பாதிக்கப்பட்டது தெரியவந்தது. இதனையடுத்து அவருக்குத் தீவிர சிகிச்சை அளிக்கப்பட்டு வருகிறது. வித்யா பாலன், 10 நாள்கள் ஓய்வில் இருக்கவேண்டும் என மருத்துவர்கள் அறிவுறுத்தினார்கள்.
இதனையடுத்து மும்பை மாநகராட்சி சுகாதாரத்துறை அதிகாரிகள் வித்யா பாலன் வீட்டில் ஆய்வு செய்தார்கள். அப்போது அதே ஃபிளாட்டில் வசிக்கும் ஷாகித் கபூரின் வீட்டில் டெங்குக் காய்ச்சலைப் பரப்பும் கொசுவின் லார்வாக்கள் இருப்பது கண்டறியப்பட்டது. பிறகு அந்த லார்வாக்கள் அழிக்கப்பட்டு, மருந்து தெளிக்கப்பட்டது. மேலும் இதுதொடர்பாக ஷாகித் கபூர் உள்ளிட்ட இருவருக்கு நோட்டீஸ் அனுப்பப்பட்டது.
தன்னுடைய உடல்நிலை குறித்து வித்யா பாலன் ட்விட்டரில் கூறியதாவது: அனைவருக்கும் காலை வணக்கம். என் உடல்நிலை மீது அக்கறை கொண்ட, அதை வைத்து நகைச்சுவை செய்த அனைவருக்கும் நன்றி. வீட்டில் ஓய்வு எடுத்துவருகிறேன். நன்கு தேறிவருகிறேன். மேலும், வீட்டில்தான் சிகிச்சை பெற்று வருகிறேன். ஒருபோதும் மருத்துவமனையில் அனுமதிக்கப்படவில்லை என்றார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.