காவிரி & ஸ்டெர்லைட் பிரச்னைகள் தொடர்பாக 8-ம் தேதி நடிகர்கள் போராட்டம்!

சென்னையில் வரும் 8-ம் தேதி, காவிரி மற்றும் ஸ்டெர்லைட் பிரச்னைகள் தொடர்பாகக் கண்டன அறவழிப் போராட்டம் நடைபெறும் என தென்னிந்திய நடிகர் சங்கம் அறிவித்துள்ளது. 

இதுபற்றிய அறிக்கையில் நடிகர் சங்கம் தெரிவித்ததாவது:

தூத்துக்குடி ஸ்டெர்லைட் ஆலையை மூட வலியுறுத்தியும் காவிரி மேலாண்மை வாரியத்தை உடனடியாக மத்திய அரசு அமைக்கக் கோரியும் ஏப்ரல் மாதம் 8-ம் தேதி ஞாயிறு அன்று சென்னை வள்ளுவர் கோட்டத்தில் காலை 9 மணி முதல் மதியம் 1 மணி வரை தென்னிந்திய நடிகர் சங்கத்தின் சார்பில் கண்டன அறவழிப் போராட்டம் நடத்த தீர்மானிக்கப்பட்டுள்ளது. இந்தப் போராட்டத்தில் திரைப்படத் துறையைச் சார்ந்த அனைவரும் பங்கேற்குமாறு வேண்டுகிறோம் என்று அந்த அறிக்கையில் கூறப்பட்டுள்ளது.