திமுக முன்னாள் அமைச்சர் மூர்த்தியின் உறவினர்கள் வீடுகளிலும் சோதனை!கீர்த்தனாதான் தவெக அரசின் துரந்தரா? எடப்பாடி பழனிசாமி கேள்விகாவிரி நீரை திறந்துவிடுமாறு உத்தரவிடக் கோரிய தமிழக அரசின் மனு தள்ளுபடி! உச்ச நீதிமன்றம்கனிம வளங்கள் கொள்ளை குறித்து விசாரணை ஆணையம் அமைக்க கோரிய வழக்கு தள்ளுபடிசிறப்பு டெட் தேர்வு: விண்ணப்பங்களில் பிழைகளைத் திருத்த நவ. 22 வரை அவகாசம்

காதல் கணவருடன் இணைந்து நமீதா முதன்முதலில் பார்த்த படம் என்ன?

தமிழ்த் திரைப்பட நடிகை நமீதாவுக்கும், தயாரிப்பாளர் வீரேந்திர சௌத்திரிக்கும் திருப்பதியில்

Updated On :

தமிழ்த் திரைப்பட நடிகை நமீதாவுக்கும், தயாரிப்பாளர் வீரேந்திர சௌத்திரிக்கும் திருப்பதியில் உள்ள இஸ்கான் கோயிலில் கடந்த 2017-ம் ஆண்டு திருமணம் நடைபெற்றது.

Story image

திருமணத்துக்குப் பின் நமீதா ஊடகங்களில் தென்படவில்லை. சமீபத்தில் இந்தத் தம்பதியர் முதல் முதலில் பார்த்த திரைப்படம் பற்றிய தகவல் வெளியானது. திரையுலகில் க்ளாமருக்காகவே புகழப்பட்ட நமீதா ‘ஹரே கிருஷ்ணா’ இயக்கத்தில் தீவிர ஈடுபாடு கொண்டுள்ளார். திருமணத்துக்குப் பிறகு அவர் முதன் முதலில் பார்த்ததும் ஒரு ஆன்மிகம் சார்ந்த ஒரு பக்தி படமாகும். இஸ்கானை (ISKON - அகில உலக கிருஷ்ண பக்தி இயக்கம்) உருவாக்கிய அ.ச.பக்தி வேதாந்த சுவாமி பிரபு பாதரின் வாழ்க்கை வரலாற்றை பற்றிய ஆவணப்படம் சமீபத்தில் திரையிடப்பட்டது. தன் கணவருடன் அப்படத்தை பார்த்து ரசித்துள்ளார் நமீதா.

அ.ச.பக்தி வேதாந்த சுவாமி பிரபு பாதர் 1965-ம் ஆண்டு இவர் தன்னுடைய 70-வது வயதில், கையில் நாற்பது ரூபாயுடன் அமெரிக்காவுக்கு பயணமானார். அங்கு பகவத்கீதை, பாகவதம் போன்ற இந்திய வேத நூல்களின் ஆங்கில மொழிபெயர்ப்பு நூலை விற்பனை செய்தார். உலக மக்கள் அனைவரும் விழிப்புணர்வுடன் வாழ 'கிருஷ்ண பக்தி’ எனும் விளக்கை ஏற்றினார் பிரபு பாதர்.  பகவத் கீதையை உண்மையுருவில் உலகுக்கு அளித்தவரும் அவரே. 

Story image

தனது ஆன்மிக குருவின் கட்டளையை சிரமேற்கொண்டு 'மேலை நாடுகளில் கிருஷ்ணரைப் பற்றி பிரச்சாரம் செய்', என்பதை தாரகமந்திரமாக ஏற்று அதனை நிறைவேற்றுவதற்காக அமெரிக்காவில் 'இஸ்கான்' (ISKON) என்று பின்னாட்களில் அறியப்பட்ட,  அகில உலக கிருஷ்ண பக்தி இயக்கத்தை ஸ்தாபித்தார் பிரபுபாதர். 12 ஆண்டுகளில் 108 ஸ்ரீகிருஷ்ண ஆலயங்களை அமைத்து தனது அளப்பரிய பணியாகிய அவரது நூல்களையும் எழுதினார். பிரபு பாதர் கூறியது என்னவெனில் 'நான் எப்பொழுதும் உங்களுடன் எனது புத்தக வடிவில் வாழ்வேன்’ அவ்வகையில் ஹரே ராமா  ஹரே கிருஷ்ணா இயக்கத்தின் முக்கியத்துவத்தை எவ்வாறு உலகத்துக்கு உணரச் செய்தார் என்பதுதான் இந்த ஆவணப் படத்தின் கதை.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.