சிவகார்த்திகேயன் தயாரிக்கும் கனா படத்தின் படப்பிடிப்பு நிறைவு பெற்றதாக அறிவிப்பு!

தன் நெருங்கிய நண்பர் அருண்ராஜா காமராஜ் இயக்கும் படத்தைத் தயாரித்து வருகிறார் நடிகர் சிவகார்த்திகேயன். 

கபாலி படத்தில் நெருப்புடா பாடல் மூலம் கவனம் பெற்ற அருண்ராஜா இயக்குநராக அறிமுகமாகும் படம் இது. பெண்கள் கிரிக்கெட்டை மையமாக வைத்து இப்படம் உருவாகி வருகிறது.

சத்யராஜ், ஐஸ்வர்யா ராஜேஷ், தர்ஷன் போன்றோர் இப்படத்தில் நடிக்கிறார்கள். ஒளிப்பதிவு - தினேஷ் கிருஷ்ணன், இசை - திபு நினன் தாமஸ். படத்தொகுப்பு - ஆண்டனி எல். ரூபன்.

இந்நிலையில் இப்படத்தின் படப்பிடிப்பு நிறைவுபெற்றுள்ளதாகத் தயாரிப்பு நிறுவனம் அறிவிப்பு வெளியிட்டுள்ளது. இதையடுத்து இன்று மாலை படப்பிடிப்புக் குழுவினருக்கான ‘நன்றி விழா’ நிகழ்ச்சி நடைபெறவுள்ளதாகவும் அறிவிக்கப்பட்டுள்ளது.