தக்ஸ் ஆஃப் ஹிந்தோஸ்தான் என்கிற படத்தில் முதல்முறையாக அமீர் கானும் அமிதாப் பச்சனும் இணைந்து நடிக்கிறார்கள். கத்ரினா கயிஃப், ஃபாத்திமா சனா சயிக் போன்றோரும் நடித்துள்ளார்கள்.
விஜய் கிருஷ்ணா ஆச்சார்யா இயக்கியுள்ள இந்தப் படம் நவம்பர் 8 அன்று வெளியாகவுள்ளது.
ஹிந்தியில் மட்டுமல்லாமல் தமிழ், தெலுங்கு ஆகிய மொழிகளிலும் இந்தப் படம் வெளியாகவுள்ளது. இதையடுத்து அமீர் கானும் அமிதாப் பச்சனும் தமிழில் பேசி விளம்பரம் செய்துள்ளார்கள். இந்திய அளவில் இதுவரை இல்லாத அளவுக்கு அதிகமான திரையரங்களில் இந்தப் படம் வெளிவரவுள்ளதாக யாஷ் ராஜ் ஃபிலிம்ஸ் நிறுவனம் கூறியுள்ளது. செப்டம்பர் 27 அன்று டிரெய்லர் வெளிவரவுள்ளது.
அமீர் கானும் அமிதாப்பும் தமிழில் பேசி பட விளம்பரம் செய்துள்ளது ரசிகர்களைக் கவர்ந்துள்ளது. இருவருக்கும் பாராட்டு தெரிவித்து ரசிகர்கள் கருத்து தெரிவித்துள்ளார்கள்.