செய்தி மடல்
இ-பேப்பர்
/
கார்த்திக் சுப்புராஜ் இயக்கத்தில் ரஜினி நடிக்கும் படத்தை சன் பிக்சர்ஸ் தயாரிக்கிறது. இந்தப் படத்தின் படப்பிடிப்பு சமீபத்தில் தொடங்கியது.
காலா, 2.0 ஆகிய படங்களில் நடித்து முடித்துள்ள ரஜினி, அரசியல் பரபரப்புகளுக்கிடையே இந்தப் படத்தில் நடிக்கவுள்ளார். ரஜினியின் உறவினரான அனிருத், முதல்முறையாக ரஜினி நடிக்கும் படத்துக்கு இசையமைக்கவுள்ளார். இதுவரை கார்த்திக் சுப்புராஜ் இயக்கியுள்ள அனைத்து படங்களுக்கும் சந்தோஷ் நாராயண் தான் இசையமைத்துள்ளார். இந்தப் படம் மூலமாக முதல்முறையாக கார்த்திக் சுப்புராஜும் அனிருத்தும் இணைகிறார்கள்.
இந்நிலையில் இந்தப் படத்தின் தொடக்கப் பாடலை எஸ்.பி.பி. பாடவுள்ளதாக அதிகாரபூர்வ அறிவிப்பு வெளியாகியுள்ளது.
பாபா படத்தின் தொடக்கப் பாடலை ஷங்கர் மகாதேவன் பாடினார். அந்தப் படம் தோல்வியடைந்ததையடுத்து அடுத்து வந்த சந்திரமுகியில் மீண்டும் எஸ்பிபியே முதல் பாடலைப் பாடினார். சிவாஜி, எந்திரன், கோச்சடையான், லிங்கா ஆகிய படங்களின் தொடக்கப் பாடல்களும் எஸ்.பி.பி.-க்கே வழங்கப்பட்டன. ஆனால், அடுத்து வந்த கபாலி, காலா படங்களின் தொடக்கப் பாடல்களை எஸ்.பி.பி. பாடவில்லை. இரு படங்களிலும் எஸ்.பி.பி.க்கு ஒரு பாடலும் வழங்கப்படவில்லை. இந்நிலையில் கார்த்திக் சுப்புராஜ் இயக்கத்தில் ரஜினி நடிக்கும் படத்தில் மீண்டும் பாடவுள்ளார் எஸ்.பி.பி. அதுவும் வழக்கமான தொடக்கப் பாடலை.
ரஜினி படத்தில் தொடக்கப் பாடலைப் பாடிய எஸ்.பி.பி.
பாபா ✖
சந்திரமுகி ✔
சிவாஜி ✔
எந்திரன் ✔
கோச்சடையான் ✔
லிங்கா ✔
கபாலி ✖
காலா ✖
கார்த்திக் சுப்புராஜ் படம் ✔
ஆட்டோக்காரன் ஆட்டோக்காரன், வந்தேண்டா பால்காரன், ஒருவன் ஒருவன் முதலாளி பாடல்களின் வரிசையில் இந்தப் படத்தின் தொடக்கப் பாடலும் இடம்பெறுமா?
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
