வில்லன் யாரு?: ராட்சசன் படத்தைப் பாராட்டித் தள்ளிய  ரஜினி!

விஷ்ணு விஷால், அமலா பால் நடிப்பில் முண்டாசுப்பட்டி பட இயக்குநர் ராம்குமார் இயக்கத்தில் உருவாகியுள்ள படம் - ராட்சசன். இசை - ஜிப்ரான்.

சமீபத்தில் வெளியான இந்தப் படத்தைப் பாராட்டியுள்ளார் நடிகர் ரஜினி. அவர் இப்படத்தின் கதாநாயகன் விஷ்ணு விஷாலைத் தொலைப்பேசியில் அழைத்து படம் குறித்த தனது கருத்துகளை வெளிப்படுத்தியுள்ளார். இதுபற்றி விஷ்ணு விஷால் ட்விட்டரில் கூறியதாவது:

சூப்பர் ஸ்டார் ரஜினி உங்களைத் தொலைப்பேசியில் அழைத்து ஆச்சரியப்படுத்தும்போது நீங்கள் சந்தோஷத்தில் குதிப்பீர்கள். ராட்சசன் படம் குறித்து அவர் சொன்ன சில வார்த்தைகள் - அற்புதம், அற்புதம், அற்புதம். நடிப்புல தூள் கிளப்பிட்டீங்க. காவல் உடையில் கச்சிதமாக இருக்கீங்க. வில்லன் யாரு? அட்டகாசமான உடல் மொழி. இயக்குநர் மற்றும் உங்களுடைய கூட்டணி அபாரம் என்று பாராட்டியதாக விஷ்ணு விஷால் கூறியுள்ளார்.