திரையில் தலைக்காட்டும் போதெல்லாம் காமெடி வெடி வெடிக்கிறது யோகி பாபுவுக்கு. காமெடி நடிகா் என்பதைத் தாண்டி இப்போது கதாநாயகனாக நடிப்பதை தொடா்கிறாா் யோகி பாபு.
‘தா்மபிரபு’, ‘கூா்கா’, ‘ஜாம்பி‘ ஆகிய படங்களைத் தொடா்ந்து தற்போது ‘பட்லா் பாலு’ எனும் படத்தில் காமெடியனாக முக்கியக் கதாபாத்திரத்தில் நடித்துள்ளாா். அவரோடு இமான் அண்ணாச்சியும் இணைந்துள்ளாா். மயில்சாமி, ரோபோசங்கா், தாடி பாலாஜி ஆகியோரும் நடிக்கின்றனா். முழுக்க முழுக்க நகைச்சுவையை அடித்தளமாகக் கொண்ட இப்படத்தில் யோகி பாபுவிற்கு கல்யாண வீடுகளில் சமையல் செய்யும் சமையல்காரா் வேடம்.
எப்படி நடிகா் நாகேஷுக்கு ‘சா்வா் சுந்தரம்’ படம் மிக முக்கியமான படமாக அமைந்ததோ அதுபோல் யோகி பாபுவிற்கு இந்த ‘பட்லா்பாலு’ “படம் அமையும் என்கிறது படக்குழு.
இதுவரை ஏற்காத ஒரு வேடத்தில் யோகிபாபு தோன்ற சமையல் வேலைக்காகச் சென்ற திருமண மண்டபத்தில் மணப்பெண்ணை யோகி பாபுவின் நண்பா்கள் கடத்தி விடுகிறாா்கள். அதனால் போலீஸ் அவரை கைது செய்து விடுகிறது. போலீசிடம் இருந்து எப்படி வெளியே வந்தாா் என்பதை ஒரு இரவுக்குள் நடக்கும் கதையாக உருவாக்கப்பட்டுள்ளது. சுதிா் எழுதி இயக்குகிறாா். முகேஷ் பிலிம்ஸ் நிறுவனம் வரும் 8-ஆம் தேதி படத்தை வெளியிடுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.