பாலிவுட் நடிகை சன்னி லியோன் தனது நட்பு வட்டம், குடும்பம், நடிப்பு உள்ளிட்டவை குறித்து சமீபத்தில் பேசியுள்ளார். ஐஏஎன்எஸ் செய்தி நிறுவனத்துக்கு மின்னஞ்சல் வழியாக சன்னி லியோன் அளித்த பேட்டி பின்வருமாறு:
கடந்த 2012-ஆம் ஆண்டு ஜிஸம்-2 படத்தின் மூலம் பாலிவுட்டில் அறிமுகமானேன். ராகினி எம்எம்எஸ் 2, ஏக் பஹேலி லீலா, குச் குச் லோசா ஹை, மஸ்திஸாதா, ஒன் நைட் ஸ்டாண்ட் உள்ளிட்ட திரைப்படங்களில் நடத்துள்ளேன். தற்போது கோக-கோலா என்ற ஹாரர் காமெடி திரைப்படத்தில் நடத்து வருகிறேன்.
இன்றுடன் 7 ஆண்டுகள் கடந்துவிட்டது. ஆனாலும் சிலர் எனது கடந்த காலத்தை சுட்டிக்காட்டி பேசி வருகின்றனர். ஆனால், அதுகுறித்து நான் ஒருபோதும் கவலைகொண்டதில்லை. நான் எனக்கான இடத்தை ஏற்படுத்திக்கொண்டுள்ளேன். எனக்கென சிறிய அளவில் நட்பு வட்டம் உள்ளது.
நட்சத்திர விடுதி கொண்டாட்டங்களில் அதிகளவில் கலந்துகொள்ள மாட்டேன். 2011-ல் எனது நீண்டநாள் காதலர் டேனியல் வெப்பரை திருணம் செய்துகொண்டேன். 2017-ல் நிஷா என்ற பெண் குழந்தையை தத்தெடுத்துக்கொண்டோம். வாடகைத் தாய் மூலம் இரட்டைக் குழந்தைகள் உள்ளது.
குடும்ப வாழ்க்கையும், திரை வாழ்க்கையும் இணைந்து செயல்படுவதில் மிகவும் கடினமாக உள்ளது. ஆனாலும், அதை சமாளித்து வருகிறேன். குழந்தைகளை கவனிப்பதே இந்த உலகின் மிகச்சிறந்த செயலாகும். எனது வாழ்க்கையில் தற்போது நான் மிகவும் மகிழ்ச்சியான தருணத்தில் உள்ளேன்.
17 வருடங்களாக பொழுதுபோக்குத் துறையில் இருந்து வருகிறேன். இதில் எனக்கு பெரியளவில் எந்த மாற்றமும் தெரியவில்லை. ரசிகர்களின் எதிர்பார்ப்பை முழுவதும் புரிந்துகொண்ட படைப்பாளிகள் என்று யாரும் கிடையாது. எனவே பிற திரைப்படங்கள் குறித்து எப்போதும் விமர்சிக்க மாட்டேன். ரசிகர்களின் எதிர்பார்ப்புகளை பூர்த்தி செய்ய வேண்டும் என எப்போதும் விரும்புகிறேன் என்று தெரிவித்தார்.
