துப்பாக்கி 2 படம் பற்றி சூசகமாக எதுவும் தெரிவிக்கவில்லை என ஒளிப்பதிவாளர் சந்தோஷ் சிவன் கூறியுள்ளார்.
சர்கார் படத்துக்குப் பிறகு விஜய் - ஏ.ஆர். முருகதாஸ் கூட்டணி துப்பாக்கி 2 படத்துக்காக மீண்டும் இணையவுள்ளதாகப் பரபரப்பு ஏற்பட்டுள்ளது.
விஜய் - ஏ.ஆர். முருகதாஸ் கூட்டணியில் 2012-ல் வெளியான துப்பாக்கி படம், பெரிய வெற்றியை அடைந்தது. இதன்பிறகு இதே கூட்டணியில் கத்தி, சர்கார் போன்ற படங்கள் வெளிவந்தன.
விஜய் - ஏ.ஆர். முருகதாஸ் கூட்டணியில் துப்பாக்கி 2 படம் விரைவில் உருவாகவுள்ளதாகச் சமீபத்தில் பரபரப்பு ஏற்பட்டதற்கு முக்கியக் காரணம், துப்பாக்கி படத்துக்கு ஒளிப்பதிவு செய்த சந்தோஷ் சிவன். தனது இன்ஸ்டகிராம் பதிவில் துப்பாக்கி படத்தின் புகைப்படங்களை வெளியிட்டதுதான். இதனால் துப்பாக்கி 2 படத்தின் தகவலை அவர் சூசகமாகத் தெரிவிப்பதாக ரசிகர்கள் உணர்ந்தார்கள். எனினும் இதுகுறித்த அதிகாரபூர்வமான அறிவிப்பு வெளியாகும் வரை எதுவும் உறுதியில்லை என்றே பலரும் கருதினார்கள்.
இந்நிலையில் துப்பாக்கி 2 படம் பற்றி சூசகமாக எதுவும் தெரிவிக்கவில்லை என ஒளிப்பதிவாளர் சந்தோஷ் சிவன் கூறியுள்ளார்.. ரசிகர் ஒருவர், சந்தோஷ் சிவனின் இன்ஸ்டகிராம் பதிவை வைத்து துப்பாக்கி 2 படம் பற்றி ட்விட்டரில் பதிவு எழுதினார். இதற்கு மறுப்பு தெரிவித்த சந்தோஷ் சிவன், நான் மற்ற படங்களின் புகைப்படங்களையும் தான் வெளியிட்டேன். துப்பாக்கி 2 படம் பற்றி சூசகமாக எதுவும் தெரிவிக்கவில்லை என்று கூறியுள்ளார்.