ஓடிடியில் நயன்தாரா நடித்த மூக்குத்தி அம்மன்?

அம்மன் வேடத்தில் பிரபல நடிகை நயன்தாரா நடித்துள்ள படம் - மூக்குத்தி அம்மன்.

இப்படத்தை ஆர்ஜே பாலாஜியும் என்ஜே சரவணனும் இணைந்து இயக்கியுள்ளார்கள். 

மே மாதம் வெளிவருவதாக இருந்த இப்படத்தின் வெளியீடு கரோனா வைரஸ் அச்சுறுத்தல் காரணமாக ஒத்திவைக்கப்பட்டுள்ளது.

இந்நிலையில் மூக்குத்தி அம்மன் படம் தீபாவளியன்று ஓடிடி தளத்தில் வெளியாகவுள்ளது. டிஸ்னி ஹாட்ஸ்டார் ஓடிடி தளத்தில் வெளியாவதோடு விஜய் தொலைக்காட்சியிலும் நேரடியாக வெளியிடவும் பேச்சுவார்த்தைகள் நடைபெற்று வருவதாகச் செய்திகள் வெளியாகியுள்ளன. இதுகுறித்த அதிகாரபூர்வ அறிவிப்பு விரைவில் வெளியாகும் என எதிர்பார்க்கப்படுகிறது.