லாபம் படம் ஓடிடியில் வெளியாகாது என நடிகர் விஜய் சேதுபதி அறிவித்துள்ளார்.
2015-ல் புறம்போக்கு என்கிற பொதுவுடைமை படத்தை இயக்கிய எஸ்.பி. ஜனநாதன் அடுத்ததாக விஜய் சேதுபதி கதாநாயகனாக நடிக்கும் லாபம் என்கிற படத்தை இயக்கியுள்ளார்.
விஜய் சேதுபதிக்கு ஜோடியாக ஷ்ருதி ஹாசன் நடித்துள்ளார். 2017-ல் சிங்கம் 3 படத்தில் நடித்த ஷ்ருதி, 2 வருடங்கள் கழித்து நடித்துள்ள தமிழ்ப் படம் இது.இசை - இமான். கடந்த ஆகஸ்ட் மாதம் டிரெய்லர் வெளியானது.
இந்தப் படம் ஓடிடியில் வெளியாகும் என்றொரு செய்தி வெளியானது. இதை விஜய் சேதுபதி மறுத்துள்ளார்.
லாபம் படம் நேரடியாக ஓடிடியில் வெளியாகாது. திரையரங்கில் பெரிய அளவில் வெளியிடப்படும் என்று ட்விட்டரில் கூறியுள்ளார்.