விஜய் - ஏ.ஆர். முருகதாஸ் மீண்டும் இணையும் துப்பாக்கி 2 படத்துக்கு தமன் இசை?

விஜய் - ஏ.ஆர். முருகதாஸ் கூட்டணியில் உருவாகவுள்ள துப்பாக்கி 2 படத்துக்கு தமன் இசையமைக்கவுள்ளதாகத் தகவல்கள் வெளியாகியுள்ளன.

விஜய் - ஏ.ஆர். முருகதாஸ் கூட்டணியில் 2012-ல் வெளியான துப்பாக்கி படம், பெரிய வெற்றியை அடைந்தது. இதன்பிறகு இதே கூட்டணியில் கத்தி, சர்கார் போன்ற படங்கள் வெளிவந்தன.

லோகேஷ் கனகராஜ் இயக்கத்தில் மாஸ்டர் படத்தில் நடித்துள்ளார் விஜய். இதற்குப் பிறகு ஏ.ஆர். முருகதாஸ் இயக்கத்தில் துப்பாக்கி 2 படத்தில் விஜய் நடிக்கவுள்ளதாக தமிழ்த் திரையுலகில் பரபரப்பு ஏற்பட்டுள்ளது. இப்படத்தை சன் பிக்சர்ஸ் தயாரிக்கவுள்ளது.

இந்நிலையில் துப்பாக்கி 2 படத்துக்கு தமன் இசையமைக்கவுள்ளதாகத் தகவல்கள் வெளியாகியுள்ளன. தமன் சமீபத்தில் இசையமைத்த தெலுங்குப் படங்களின் பாடல்கள் ஹிட் ஆனதால் துப்பாக்கி 2 படத்துக்கு தமனை ஒப்பந்தம் செய்ய முருகதாஸும் விஜய்யும் முடிவு செய்துள்ளார்கள். கரோனா பாதிப்புகள் முடிந்தபிறகு துப்பாக்கி 2 குறித்த அதிகாரபூர்வமான அறிவிப்பு வெளியாகும் என எதிர்பார்க்கப்படுகிறது.