ஐந்து மொழிகளில் உருவாகும் சந்தீப் கிஷன், விஜய் சேதுபதி படம்

இஸ்பேட் ராஜாவும் இதய ராணியும் படத்தை இயக்கிய ரஞ்சித் ஜெயக்கொடி, அடுத்ததாக இயக்கவுள்ள படம் ஐந்து மொழிகளில் வெளிவரவுள்ளது.

சந்தீப் கிஷன் கதாநாயகனாக நடிக்கும் படத்தை ரஞ்சித் ஜெயக்கொடி இயக்குகிறார். இதில் முக்கிய வேடத்தில் விஜய் சேதுபதியும் நடிக்கவுள்ளார். 

தமிழ், தெலுங்கு, ஹிந்தி ஆகிய மொழிகளில் படமாக்கப்படும் மைக்கேல் படம், மலையாளம், கன்னடம் ஆகிய மொழிகளில் டப் செய்யப்படுகிறது. நவம்பர் முதல் படப்பிடிப்பு ஆரம்பமாகிறது.

முதல் படத்துக்குப் பிறகு பிந்து மாதவி நடித்துள்ள யாருக்கும் அஞ்சேல் படத்தை ரஞ்சித் ஜெயக்கொடி இயக்கியுள்ளார். ஏராளமான தெலுங்குப் படங்களிலும் சில தமிழ்ப் படங்களிலும் சந்தீப் நடித்துள்ளார்.