நட்சத்திர தம்பதி பாக்யராஜ் & பூர்ணிமா ஆகிய இருவரும் கரோனாவால் பாதிக்கப்பட்டுள்ளார்கள்.
1984-ல் நடிகை பூர்ணிமாவைத் திருமணம் செய்தார் நடிகரும் இயக்குநருமான கே. பாக்யராஜ். இவர்களுக்கு சரண்யா என்கிற மகளும் ஷாந்தனு என்கிற மகனும் உள்ளார்கள். ஷாந்தனு, தொலைக்காட்சித் தொகுப்பாளர் கீர்த்தியை 2015-ல் திருமணம் செய்தார்.
இந்நிலையில் பாக்யராஜ், பூர்ணிமா ஆகிய இருவரும் கரோனாவால் பாதிக்கப்பட்டுள்ளார்கள். இதையடுத்து ஷாந்தனு ட்விட்டரில் கூறியதாவது:
அப்பா, அம்மா இருவருக்கும் கரோனா பாதிப்பு இன்று உறுதி செய்யப்பட்டுள்ளது. பணியாளர்கள் உள்பட நாங்கள் அனைவரும் மருத்துவர்களின் அறிவுரைப்படி தனிமைப்படுத்தப்பட்டுள்ளோம். கடந்த 10 நாள்களில் எங்களுடன் தொடர்பில் இருந்தவர்கள் பரிசோதனை செய்துகொள்ளுங்கள். விரைவில் குணமாகி வருவதற்காகப் பிரார்த்தனை செய்யுங்கள் என்றார்.