உலகப் புகழ் பெற்ற சமையல் கலை நிகழ்ச்சி: தொகுத்து வழங்கும் விஜய் சேதுபதி

மாஸ்டர் செஃப் என்கிற புகழ்பெற்ற சர்வதேச சமையல் கலை நிகழ்ச்சியைத் தமிழில் தொகுத்து வழங்குகிறார் விஜய் சேதுபதி.

ஃபிரான்க் உருவாக்கிய மாஸ்டர் செஃப் என்கிற சமையல் கலை நிகழ்ச்சி ஆஸ்திரேலிய உள்ளிட்ட பல நாடுகளில் ஒளிபரப்பாகி வருகிறது. இந்நிகழ்ச்சிக்கு உலகம் முழுக்க ரசிகர்கள் உள்ளார்கள்.

இந்தியாவில் முதல்முறையாக மாஸ்டர் செஃப் நிகழ்ச்சி ஒளிபரப்பாகிறது. தமிழில் இந்நிகழ்ச்சியைப் பிரபல நடிகர் விஜய் சேதுபதி தொகுத்து வழங்குகிறார். இதற்கான விளம்பரம் வெளியாகியுள்ளது. இதற்கு முன்பு நம்மூரு ஹீரோ என்கிற தொலைக்காட்சியை நிகழ்ச்சியைத் தொகுத்து வழங்கினார் விஜய் சேதுபதி. 

காத்து வாக்குல ரெண்டு காதல், துக்ளக் தர்பார், லாபம், மாமனிதன், யாதும் ஊரே யாவரும் கேளிர், 19 (1) (a) போன்ற படங்களில் நடித்து வருகிறார் விஜய் சேதுபதி.