நடிகர் விஜய் தற்போது நெல்சன் திலீப் குமார் இயக்கத்தில் 'பீஸ்ட்' படத்தில் நடித்து வருகிறார். சன் பிக்சர்ஸ் தயாரிக்கும் இந்தப் படத்துக்கு அனிருத் இசையமைக்க, மனோஜ் பரமஹம்சா ஒளிப்பதிவு செய்கிறார்.
இந்தப் படத்தின் படப்பிடிப்பு சென்னையில் விறுவிறுப்பாக நடைபெற்று வருகிறது. இந்த நிலையில் கிரிக்கெட் வீரர் தோனி, 'பீஸ்ட்' படப்பிடிப்பு தளத்திற்கு நடிகர் விஜய்யை சந்திக்க வந்துள்ளார். அப்போது எடுத்துக்கொண்ட புகைப்படங்கள் இணையத்தில் வைரலாகி வருகின்றன.
கடந்த 2008 ஆம் ஆண்டு சென்னை சூப்பர் கிங்க்ஸ் அணிக்கான தூதுவராக நடிகர் விஜய் இருந்தார். அப்போது தோனியுடன் விஜய் எடுத்துக்கொண்ட புகைப்படங்களையும், தற்போது 'பீஸ்ட் 'படத்தில் எடுக்கப்பட்ட புகைப்படங்களையும் ஒப்பிட்டு 13 வருடங்கள் கடந்தும் இருவரும் தோற்றத்தில் பெரிய மாற்றங்கள் இல்லாமல் அப்படியே இருப்பதாக ரசிகர்கள் கருத்து தெரிவித்து வருகின்றனர்.
இதையும் படிக்க | தோனியுடன் நடிகர் விஜய் சந்திப்பு (படங்கள்)
இந்த நிலையில் 'பீஸ்ட்' பட இயக்குநர் நெல்சன் திலீப்குமார், நடிகர் விஜய் மற்றும் தோனியுடன் எடுத்துக்கொண்ட புகைப்படங்களைத் தனது சுட்டுரைப் பக்கத்தில் பகிர்ந்து, ''பீஸ்ட்' மற்றும் சிங்கம். இது டபுள் பீஸ்ட் மோட்'' எனக் குறிப்பிட்டுள்ளார்.