'பீஸ்ட்' பட பாடல் அறிமுக விடியோவில் விஜய்யுடன் இணைந்து தோன்றும் சிவகார்த்திகேயன்
நெல்சன் திலீப்குமார் இயக்கத்தில் விஜய் நாயகனாக நடித்து வரும் படம் பீஸ்ட். சன் பிக்சர்ஸ் இந்தப் படத்தை பிரம்மாண்டமாக தயாரித்து வருகிறது. அனிருத் இந்தப் படத்துக்கு இசையமைக்க, மனோஜ் பரமஹம்சா ஒளிப்பதிவு செய்கிறார்.
இந்தப் படத்தில் விஜய்க்கு ஜோடியாக பூஜா ஹெக்டே நடிக்க, இயக்குநர் செல்வராகவன் வில்லனாக நடிக்கிறார். இந்தப் படம் அடுத்த ஆண்டு கோடை விடுமுறையை முன்னிட்டு திரைக்குவரும் என எதிர்பார்க்கப்படுகிறது.
இதையும் படிக்க | மனதை உருக்கும் இளையராஜா இசையமைத்த 'மாயோனே' பாடல்
இந்தப் படத்தில் சிவகார்த்திகேயன் ஒரு பாடலை எழுதியிருந்ததாகவும் அந்தப் பாடலை விஜய் பாடியுள்ளதாகவும் தகவல் வெளியாகியிருந்தது. இந்த நிலையில் இந்தப் பாடலை அறிவிக்கும் விதமாக உருவான விடியோவில் விஜய், சிவகார்த்திகேயன், அனிருத், நெல்சன் ஆகியோர் இடம்பெற்றுள்ளனராம். இந்த விடியோ விரைவில் வெளியாகும் என்று எதிர்பார்க்கப்படுகிறது.