மணி ஹெய்ஸ்ட் இணையத் தொடர் 5-ம் சீசனின் டிரெய்லர் ஆகஸ்ட் 2-ம் தேதி வெளியாகிறது.
இந்த அறிவிப்பை இணையத் தொடரின் குழு விடியோ மூலம் வெளியிடப்பட்டுள்ளது.
மணி ஹெய்ஸ்டின் முதலிரண்டு பாகங்கள் 2017-இல் வெளியாகின. அடுத்த இரண்டு பாகங்கள் 2019-2020-இல் வெளியாகின. இதன் கதாபாத்திரங்கள் இந்தியா உள்பட உலகளவில் மிகவும் பிரபலமாகின.
குறிப்பாக கடந்தாண்டு பொது முடக்கத்தின்போது இந்த இணையத் தொடர் சமூக ஊடகங்களை ஆக்கிரமித்தது. இதனால், மணி ஹெய்ஸ்டின் முடிவுக்காக ரசிகர்கள் ஆவலுடன் காத்திருக்கின்றனர்.
5-ம் பாகத்தின் படப்பிடிப்பு சமீபத்தில் நிறைவுற்றது. 5-வது பாகம் இரண்டு பகுதிகளாக செப்டம்பர் மற்றும் டிசம்பர் மாதங்கள் வெளியாகும் என இணையத் தொடரின் குழு கடந்த மே மாதம் வெளியிட்டது.
இந்த நிலையில், 5-ம் பாகத்தின் முதல் பகுதி டிரெய்லர் வரும் ஆகஸ்ட் 2-ம் தேதி வெளியாகவுள்ளதாக இணையத் தொடர் குழு அறிவித்துள்ளது.