’இளம் இயக்குநர்களுக்கு என் அறிவுரை இதுதான்...’: லோகேஷ் கனகராஜ்

இளம் இயக்குநர்களுக்கு இயக்குநர் லோகேஷ் கனகராஜ் அறிவுரை வழங்கியுள்ளார்.

நடிகர் விஜய் நடிப்பில் உருவான ‘வாரிசு’ திரைப்படம் பொங்கலுக்கு வெளியாக உள்ளது. இந்தப் படத்திற்குப் பின் விஜய் மீண்டும் லோகேஷ் கனகராஜ் உடன் இணைய உள்ளார்.

‘விக்ரம்’ படத்தின் மாபெரும் வெற்றிக்கு பிறகு இந்த படம் உருவாகவுள்ளதால் அதிக எதிர்பார்ப்பு நிலவி வருகிறது. 

இதையும் படிக்க: ’விஜய் 67’ படத்தில் நடிப்பதை உறுதிசெய்த பிரபல இயக்குநர்

இந்நிலையில், நேர்காணல் ஒன்றில் கலந்துகொண்ட லோகேஷ் கனகராஜிடம் ‘லோகேஷ் கனகராஜ் போல் இயக்குநராக விரும்புபவர்களுக்கு உங்களின் அறிவுரை என்ன?’ எனக் கேள்விகேட்கப்பட்டது.

அதற்கு லோகேஷ் “எந்த அறிவுரையும் கேட்காதீர்கள். நீங்கள் யாராக மாறாவும் முயற்சி செய்யாதீர்கள். என்ன மாதிரியான சினிமாவை எடுக்கப் போகிறோம் என்பதில் தெளிவாக இருங்கள். உங்களின் முதல் படம்தான் நீங்கள் யார் என்பதை தெரியப்படுத்தும். அதனால், கதையில் கவனமாக இருக்க வேண்டும்” எனத் தெரிவித்துள்ளார்.