இயக்குநர் விக்னேஷ் சிவன் - நயன்தாராவின் திருமணம் இன்று (ஜூன் 9) காலை மாமல்லபுரத்தில் வெகுசிறப்பாக நடைபெற்றது. நிகழ்வில் நடிகர்கள் ரஜினிகாந்த், ஷாருக்கான், அனிருத், இயக்குநர் அட்லி, சரத் குமார், ராதிகா, விஜய் சேதுபதி, கார்த்தி, தயாரிப்பாளர் போனி கபூர், தொகுப்பாளர் திவ்யதர்ஷினி உள்ளிட்டோர் பங்கேற்றனர்.
இயக்குநர் கௌதம் வாசுதேவ் மேனன் மேற்பார்வையில் திருமணம் நடைபெற்றுவருவதாக கூறப்படுகிறது. திருமணத்தின்போது எடுக்கப்பட்ட புகைப்படங்கள் விரைவில் வெளியாகும் என்று ரசிகர்கள் எதிர்பார்த்து காத்திருக்கிறார்கள்.
இந்த நிலையில் திருமண நிகழ்வின்போது பரிமாறப்படும் உணவுகள் கொண்ட உணவு பட்டியல் வெளியாகியுள்ளது. அதில், பலாப்பழ பிரியாணி, பொன்னி அரிசி சாதம், பருப்பு கறி, அவியல், சேனைக் கிழங்கு வருவல், வாழைக்காய் வருவல், கேரட் மற்றும் பீன்ஸ் பொறியல், சாம்பார் சாதம், பனீர் பட்டாணி கறி, காளான் மிளகு வருவல், தயிர் சாதம் உள்ளிட்ட உணவுகள் அந்தப் பட்டியலில் இடம்பெற்றுள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.