வெளியானது பிரம்மாஸ்திரம் பட டிரெய்லர்

ரன்பீர் கபூர், ஆலியா பட் இணைந்து நடித்துள்ள பிரம்மாஸ்திரம் பட டிரெய்லர் வெளியானது 

ஹிந்தியில் மிகப் பெரும் பொருட்செலவில் உருவாகும் படம் பிரமாஸ்திரா. தமிழில் பிரம்மாஸ்திரம் என்ற பெயரில் மொழிமாற்றம் செய்யப்பட்டு வெளியாகிறது. 3 பாகங்களாக உருவாகும் இந்தப் படத்தின் முதல் பாகம் வருகிற செப்டம்பர் 9 ஆம் தேதி திரையரங்குகளில் வெளியாகிறது. 

இந்தப் படத்தில் அமிதாப் பச்சன், ரன்பீர் கபூர், ஆலியா பட், நாகர்ஜூனா ஆகியோர் பிரதான வேடங்களில் நடித்துள்ளனர். இந்தப் படத்தை ஸ்டார் ஸ்டுடியோஸ் நிறுவனமும், கரண் ஜோகரின் தர்மா புரொடக்சன்ஸ் நிறுவனமும் தயாரித்துள்ளது. அயன் முகர்ஜி இந்தப் படத்தை இயக்கியுள்ளார். 

இதையும் படிக்க | ஜெயலலிதாவின் வாழ்க்கை வரலாற்றுத் தொடரின் இரண்டாம் பாகத்தில் நடிக்கும் நடிகை

இந்தப் படத்தில் ரன்பீர் சிங் சிவனின் அவதாரமாக நடித்துள்ளதாக கூறப்படுகிறது. ஹிந்தி, தமிழ், தெலுங்கு, மலையாளம், கன்னடம் உள்ளிட்ட மொழிகளில் இந்தப் படம் வெளியாகிறது. இந்த நிலையில் இந்தப் படத்தின் டிரெய்லர் தற்போது வெளியாகியுள்ளது.