வெங்கட் பிரபு வெளியிட்ட ‘தீங்கிரை’ படத்தின் டிரைலர்! 

நடிகர் ஸ்ரீகாந்தின் நடிப்பில் உருவாகியுள்ள ‘தீங்கிரை’ படத்தின் டிரைலர் வெளியாகியுள்ளது. 

அறிமுக இயக்குநர் பிரகாஷ் ராகவாதாஸ் எழுதி இயக்கும் இப்படத்தில் ஸ்ரீகாந்த், 8 தோட்டாக்கள் வெற்றி, ஸ்மிருதி வெங்கட், நிழகல் ரவி, அபூர்வா, சங்கீதா, குரேஷி உள்ளிட்ட பலர் நடித்துள்ளனர்.

டிடபுள்யூடி மீடியா பிரைவேட் லிமிடெட் நிறுவனம் தயாரிப்பில் யுவராஜ் மனோகரன் ஒளிப்பதிவு செய்ய பிரகாஷ் நிகில் இசையமைக்க ஹாரிஷ் அர்ஜூன் பின்னணி இசையமைத்துள்ளார்.

சைக்கோ த்ரில்லர் கதையாக உருவாகியுள்ள இப்படத்தின் டிரைலர் நல்ல வரவேற்பினை பெற்று வருகிறது. இயக்குநர் வெங்கட் பிரபு தனது ட்விட்டர் பக்கத்தில், “முதுகு தண்டு சில்லிடும் தீங்கிரை படத்தின் டிரைலர் வெளியிடுவதில் மகிழ்ச்சி. படம் பெரும் வெற்றியடைய படக்குழுவிற்கு வாழ்த்துகள்” என தெரிவித்துள்ளார்.