பிரம்மாஸ்திரம் இதுவரையிலான வசூல் குறித்து தயாரிப்பு நிறுவனம் அதிகாரப்பூர்வ அறிவிப்பை வெளியிட்டுள்ளது.
அமிதாப் பச்சன், ரன்பிர் கபூர், ஆலியா பட், மெளனி ராய், நாகார்ஜுனா நடிப்பில் அயன் முகர்ஜி இயக்கிய படம் - பிரம்மாஸ்திரம் முதல் பாகம்: ஷிவா. மணிகண்டன் உள்பட ஐந்து பேர் ஒளிப்பதிவாளர்களாகப் பணியாற்றியுள்ளார்கள். இணை தயாரிப்பாளர் - கரண் ஜோஹர். அயன் முகர்ஜி இயக்கியுள்ள 3-வது படம் இது.
பிரம்மாஸ்திரம் படம் உலகம் முழுக்க 8,913 திரையரங்களில் திரையிடப்பட்டது. பிரம்மாஸ்திரா என்கிற பெயரில் ஹிந்தியில் உருவான இந்தப் படம் தமிழ், தெலுங்கு, மலையாளம், கன்னடம் ஆகிய மொழிகளில் டப் செய்யப்பட்டுள்ளது. தமிழில் பிரம்மாஸ்திரம் எனப் பெயரிடப்பட்டுள்ளது.
இதையும் படிக்க: ‘பொன்னியின் செல்வன்’ புகழ் பாடும் அமுல் விளம்பரங்கள்!
பிரம்மாஸ்திரம் படம் முதல் நாளன்று உலகெங்கும் அனைத்து மொழிகளிலும் ரூ. 75 கோடி வசூலித்துள்ளதாக அதிகாரபூர்வமாக அறிவிக்கப்பட்டது. இந்நிலையில் தற்போது இதுவரை உலகளவில் இப்படம் ரூ. 445 கோடி வசூலித்துள்ளதாக தயாரிப்பு நிறுவனத் தரப்பு தகவல் தெரிவித்துள்ளது. இந்தியாவில் 5,000 திரையரங்குகளில் வெளியான இந்தப் படம் முதல் மூன்று நாள்களில் ரூ. 125 கோடியை வசூலித்திருந்தது.
ரூ. 410 கோடி செலவில் உருவாக்கப்பட்ட இந்தப் படம் வதிரையரங்க வெளியீட்டிலேயே லாபம் அடைந்துள்ளது. மேலும், ஓடிடியில் பெரிய தொகைக்கு விற்பனை செய்யப்பட்டிருக்கும் என்றும் எதிர்பார்க்கப்படுகிறது.
மிகப்பெரிய வசூலைக் குவித்ததால் இந்தாண்டில் பாலிவுட்டில் அதிகம் வசூல் செய்த படம் என்கிற பெருமையையும் அடைந்துள்ளது.