இயக்குநர் நெல்சன் இயக்கத்தில் நடிகர் விஜய், பூஜா ஹெக்டே, செல்வராகவன் உள்ளிட்டோர் நடித்து கடந்த ஏப்ரல் 13 ஆம் தேதி வெளியான பீஸ்ட் திரைப்படம் கலவையான விமர்சனங்களைப் பெற்றது. பெரும்பாலும் பீஸ்ட் படத்துக்கு எதிர்மறை கருத்துக்களே அதிகம் கிடைத்தன.
இதன் ஒரு பகுதியாக பீஸ்ட் படத்தைப் பார்த்த ரஜினிகாந்த், தனக்கு படம் பிடிக்கவில்லை என்பதால் இயக்குநரை மாற்ற முடிவெடுத்துவிட்டதாகவும் தகவல் பரவியது. ஆனால் இந்த செய்தி சமூக வலைதளங்களில் அதிகம் விவாதிக்கப்பட்டது.
இதையும் படிக்க | நடிகையின் காருக்குள் அத்துமீறி நுழைந்த நபர்: பரபரப்பு சம்பவம்
இந்த நிலையில் இயக்குநர் நெல்சன் தனது ட்விட்டர் பக்கத்தில் தான் இயக்கிய படங்களான 'கோலமாவு கோகிலா', 'டாக்டர்', 'பீஸ்ட்' படங்களின் வரிசையில் 'தலைவர் 169' படத்தையும் இணைத்தார்.
இந்த நிலையில் நடிகர் ரஜினிகாந்த் தனது ட்விட்டர் பக்கத்தில் 'தலைவர் 169' பட அறிவிப்பு படத்தை பதிவேற்றியுள்ளார். இதனால் 'தலைவர் 169' படத்தை நெல்சன் இயக்குவது உறுதியாகியுள்ளது.
'தலைவர் 169' படத்துக்கு அனிருத் இசையமைப்பது மட்டுமே தற்போது உறுதியாகியுள்ளது. இந்த நிலையில் பிரியங்கா மோகன் முக்கிய வேடத்தில் நடிக்க, நடிகர் சிவகார்த்திகேயன் சிறப்புத் தோற்றத்தில் நடிக்கவிருப்பதாக கூறப்படுகிறது. விரைவில் இந்தத் தகவல்களும் தெளிவுபடுத்தப்படும் என்று எதிர்பார்க்கப்படுகிறது.