பிக் பாஸ் வீட்டிற்குள் உறவினர்களை அனுப்பி போட்டியாளர்களுக்கு இன்ப அதிர்ச்சியை அளித்துள்ளார் பிக் பாஸ்.
விஜய் டிவியில் ஒளிபரப்பாகும் பிக் பாஸ் சீசன் 6 போட்டி கடந்த அக்டோபர் 9ஆம் தேதி தொடங்கியது. இந்த சீசனில் ராபர்ட் மாஸ்டர், ரச்சிதா, விக்ரமன், ஆயிஷா, அமுதவாணன், பாடகர் ஏடிகே, மைனா நந்தினி, ஜனனி, அஷீம், தனலட்சுமி, கதிரவன், மகேஸ்வரி, மணிகண்டா, குயின்ஸி, ராம், சிவின், நிவாசினி, செரினா, அசல், சாந்தி, ஜி.பி.முத்து உள்ளிட்ட 21 போட்டியாளர்கள் பங்கேற்றுள்ளனர். கொண்டுள்ளனர். இந்த போட்டியை நடிகர் கமல்ஹாசன் தொடர்ந்து 6வது முறையாக தொகுத்து வழங்கி வருகிறார்.
இதுவரை சாந்தி, அசல், செரினா, மகேஸ்வரி, நிவாசினி, ராபர்ட், குயின்ஸி, ராம், ஜனனி, ஆயிஷா, ஜனனி, தனலட்சுமி ஆகியோர் நானிமேட் செய்யப்பட்டு வெளியேற்றப்பட்டுள்ளனர். ஜி.பி. முத்து தனிப்பட்ட காரணங்களால் தானாகவே போட்டியைவிட்டு விலகினார்.
இந்நிலையில், 12-வது வாரம் தொடங்கியுள்ள நிலையில் பிக் பாஸ் போட்டியாளர்களும் ரசிகர்களும் பெரிதும் எதிர்பார்த்த ‘ஃப்ரீஸ், ரிலீஸ்’ டாஸ்க் இந்த வாரம் நடைபெறுகிறது.
இன்றைய ப்ரோமோவில், மைனா, அமுதவாணன், கதிரவன், விக்ரமன் உள்ளிட்டோரின் பெற்றோர்களும், மனைவி, குழந்தைகளும் பிக் பாஸ் வீட்டிற்குள் வருகின்றனர்.
இதனால், துள்ளி குதிக்கும் போட்டியாளர்கள் மகிழ்ச்சியின் உச்சத்தில் உள்ளனர். ரசிகர்களும் இந்த நிகழ்வை காண மிகுந்த எதிர்பார்ப்புடன் காத்திருக்கின்றனர்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.