தீபாவளிக்கு வெளியாகும் ஏகே 61?: தகவல்

வலிமை திரைப்படத்திற்குப் பின் நடிகர் அஜித் - எச்.வினோத் கூட்டணியில் உருவாகும் புதிய படம் இந்தாண்டு தீபாவளிக்கு வெளியாக இருப்பதாக தகவல் வெளியாகியுள்ளது.

நடிகர் அஜித்குமார் நடிப்பில் உருவான ‘வலிமை’ திரைப்படம் வெளியீட்டிற்குத் தயாராக இருந்தாலும் கரோனா பரவல் காரணமாக ஒத்திவைக்கப்பட்டுள்ளது. 

இருப்பினும், அஜித்குமார்-எச்.வினோத் கூட்டணி மீண்டும் இணைய இருக்கிறார்கள். போனி கபூர் தயாரிக்கும் இப்படத்திற்கான வேலைகள் ஹைதராபாத்தில் வேகமாக நடைபெற்று வருகிறது.

இந்நிலையில்,  இப்படத்தின் படக்குழுவினர் படப்பிடிப்பை விரைவாக முடித்து இந்தாண்டு தீபாவளியன்று படத்தை வெளியிட திட்டமிட்டிருப்பதாக தகவல் வெளியாகியுள்ளது.