மின்சார கனவு முதல் தி லெஜண்ட் திரைப்படம் வரை பல்வேறு பிரபல பாடல்களை தமிழில் பாடியுள்ள பின்னணிப் பாடகர் கிருஷ்ணகுமார் குன்னத்து செவ்வாய்க்கிழமை இரவு காலமானார்.
தெற்கு கொல்கத்தாவில் செவ்வாய்க்கிழமை மாலை நடைபெற்ற இசைநிகழ்ச்சியில் கலந்துகொண்டு சுமாா் ஒரு மணி நேரம் பாடல்களைப் பாடிய கே.கே., நிகழ்ச்சி முடிந்த பிறகு அவா் தங்கியிருந்த ஹோட்டலுக்குத் திரும்பியபோது திடீரென உடல்நலக்குறைவு ஏற்பட்டு உயிரிழந்தார்.
இவரின் மறைவுக்கு பிரதமர் நரேந்திர மோடி, காங்கிரஸ் மூத்த தலைவர் ராகுல் காந்தி உள்ளிட்ட அரசியல் தலைவர்கள், திரைப் பிரபலங்கள் இரங்கல் தெரிவித்து வருகின்றனர்.
தமிழில் 1997-ல் வெளியான மின்சார கனவு திரைப்படத்தில் தொடங்கி இம்மாதம் வெளியாகவுள்ள தி லெஜண்ட் வரை 50க்கும் மேற்பட்ட பிரபல பாடல்களை கே.கே. பாடியுள்ளார்.
கே.கே.வின் டாப் 10 தமிழ் பாடல்கள்
1997 - ஸ்ட்ராபெரி கண்ணே(மின்சார கனவு)
2002 - ஒல்லிக்குச்சி உடம்புகாரி(ரெட்)
2003 - குண்டு குண்டு குண்டு பெண்ணே(தூள்)
2003 - உயிரின் உயிரே(காக்க காக்க)
2004 - அப்படி போடு(கில்லி)
2004 - நீயே நீயே(எம். குமரன் சன் ஆஃப் மகாலட்சுமி)
2004- காதல் வளர்த்தேன்(மன்மதன்)
2005 - ஒரு வார்த்த கேட்க(ஐயா)
2008 - மொல மொலன்னு(குருவி)
2011 - என் வெண்ணிலவே(ஆடுகளம்)
இறுதியாக ஜூலை மாதம் தமிழில் வெளியாகவுள்ள ‘தி லெஜண்ட்’ படத்தில் கே.கே. இரண்டு பாடல்களை பாடியுள்ளார்.