செய்தி மடல்
இ-பேப்பர்
ராக்கெட்ரி படப்பிடிப்புத் தளத்தில் சூர்யா கலந்துகொண்ட விடியோவை மாதவன் தனது இன்ஸ்டாகிராம் பக்கத்தில் விடியோவை வெளியிட்டுள்ளார்.
இஸ்ரோ விஞ்ஞானி நம்பி நாராயணனின் வாழ்க்கை வரலாற்றை அடிப்படையாகக் கொண்டு 'ராக்கெட்ரி தி நம்பி எஃபெக்ட்' என்ற படத்தை நடிகர் மாதவன் நடித்து இயக்கியுள்ளார். இந்தப் படம் வருகிற வெள்ளிக்கிழமை (ஜூலை 1) திரைக்குவரவிருக்கிறது.
இந்தப் படத்தில் மாதவனுக்கு ஜோடியாக சிம்ரன் நடிக்க, சூர்யா சிறப்புத் தோற்றத்தில் நடித்துள்ளார். நடிகர் சூர்யா இந்தப் படத்தில் நம்பி நாராயணனை தொலைக்காட்சியில் நேர்காணல் செய்யும் தொகுப்பாளராக நடித்துள்ளார்.
இந்த நிலையில் படப்பிடிப்புத் தளத்தில் உண்மையான நம்பி நாராயணனையும், அவரைப் போல வேடமிட்ட நடிகர் மாதவனையும் நடிகர் சூர்யா மிரட்சியாக பார்க்கும் விடியோவை மாதவன் தனது இன்ஸ்டாகிராம் பக்கத்தில் வெளியிட்டுள்ளார்.
அந்த விடியோவில் யார் உண்மை என சூர்யா ஆச்சரியப்படுகிறார். இந்த விடியோவுக்கு நல்ல வரவேற்பு கிடைத்துவருகிறது.
சூர்யா சிறப்புத் தோற்றத்தில் நடித்த விக்ரம் திரைப்படம் பெரும் வெற்றிபெற்றது. ரோலெக்ஸ் என்ற அவரது வேடம் படத்துக்கு சிறப்பம்சமாக அமைந்துள்ளது. இதனையடுத்து ராக்கெட்ரி படத்தில் சூர்யாவின் வேடமும் ரசிகர்களின் கவனத்தை ஈர்க்கும் என்று எதிர்பார்க்கப்படுகிறது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.