'வலிமை' இயக்குநர் வினோத் மற்றும் தயாரிப்பாளர் போனி கபூர் மீது புகார்

போனி கபூர் தயாரிப்பில் நடிகர் அஜித் நடித்துள்ள வலிமை திரைப்படம் கலவையான விமர்சனங்களைப் பெற்றாலும் ரசிகர்களின் ஆதரவால் நல்ல வசூலைப் பெற்றுவருவதாக கூறப்படுகிறது. 

வெளியான 5 நாட்களில் ரூ.100 கோடிக்கும் மேல் வலிமை திரைப்படம் வசூலித்துள்ளதாக கூறப்படுகிறது. இந்தப் படத்தில் பைக் ரேஸ் காட்சிகள் ரசிகர்களை வெகுவாக கவர்ந்துள்ளது. 

இந்த நிலையில் காவல் ஆணையர் அலுவலகத்தில் வழக்கறிஞர் சாந்தி என்பவர் புகார் ஒன்றை அளித்தார். அதில், கடந்த 24 ஆம் தேதி வெளியான வலிமை படத்தை குடும்பத்துடன் பார்த்தேன். 

இதையும் படிக்க | ''விஜய் அனுப்பிய புகைப்படத்தில் அவரது மகன்..'' : யுவன் பகிர்ந்த சுவாரசியத் தகவல்

அந்தப் படத்தில் வழக்கறிஞர்கள் குறித்து தவறாக சித்திரித்து காட்சிப்படுத்தப்பட்டுள்ளது. வழக்கறிஞர்களை குற்றவாளிகள் போல காட்சிப்படுத்தியிருக்கின்றனர்.

ஒருசில வழக்கறிஞர்கள் செய்யும் தவறுகளை சுட்டிக்காட்ட, ஒட்டுமொத்த வழக்கறிஞர்களையும் தவறாக காட்டுவது ஏற்புடையது அல்ல. இதன் காரணமாக திரைப்படத்தின் இயக்குநர் மற்றும் தயாரிப்பாளர் மீது உரிய நடவடிக்கை எடுக்க வேண்டும் என்று குறிப்பிட்டுள்ளார்.