அனிருத் இசையில் சிவகார்த்திகேயன் எழுதிய நடிகர் விஜய்யின் பீஸ்ட் பட அரபிக் குத்து பாடலை 12 கோடிக்கும் அதிகமான ரசிகர்கள் பார்த்து ரசித்துள்ளனர். பாடல் வெளியான நாளிலிருந்து தற்போது இந்தப் பாடல்தான் சமூக வலைதளங்களில் டிரெண்டிங்கில் இருக்கிறது.
ரசிகர்கள் முதல் பிரபலங்கள் வரை இந்தப் பாடலுக்கு நடனமாடி விடியோ பகிர்ந்து வருகின்றனர். அந்த வகையில் நடிகை ஷிவானி பீஸ்ட் பாடலுக்கு நடனமாடும் விடியோவைப் பகிர்ந்துள்ளார். அவர் தனது பதிவில், வழக்கம்போல இந்த டிரெண்டில் தாமதமாக இணைகிறேன் என்று குறிப்பிட்டுள்ளார்.
நடிகை ஷிவானி இன்ஸ்டாகிராம் பக்கத்தில் பதிவிடும் புகைப்படங்கள், விடியோக்களுக்கு ரசிகர்களிடையே நல்ல வரவேற்பை பெற்று வருகின்றன. அவர் பிக்பாஸ் நிகழ்ச்சியில் அவர் பங்கேற்றதற்கு பிறகு அவரைப் பின்தொடர்பவர்களின் எண்ணிக்கை கனிசமாக உயர்ந்தது குறிப்பிடத்தக்கது.
ஷிவானி தற்போது கமல்ஹாசனின் விக்ரம், விஜய் சேதுபதி - பொன்ராம் படம், வடிவேலுவின் நாய் சேகர் ரிட்டர்ன்ஸ் உள்ளிட்ட படங்களில் நடித்து வருகிறார். மேலும் பிக்பாஸ் பாலாஜி முருகதாஸுடன் இணைந்து நடிக்கவிருப்பதாகவும் கூறப்படுகிறது.