செய்தி மடல்
இ-பேப்பர்
ஏ.ஆர்.ரகுமான் இசையில் வெளியாயுள்ள ஆல்பமான ’மூப்பில்லா தமிழே தாயே’ பாடல் யூடியூப் டெரெண்டிங்கில் முதலிடத்தில் உள்ளது.
கடந்த சில வாரங்களாக பீஸ்ட் திரைப்படத்தின் 'ஜாலியோ ஜிம்கானா' பாடல் முதலிடத்தில் இருந்த நிலையில், தற்போது ஏ.ஆர்.ரகுமானின் பாடல் முதலிடத்தைப் பிடித்துள்ளது.
புதிய கலைஞர்களை அறிமுகப்படுத்தும் நோக்கத்தில் ஏ.ஆர்.ரகுமான் தொடங்கிய மாஜா தளத்தில் அடுத்தடுத்து பாடல்கள் வெளியாகி வருகின்றனர்.
அந்தவகையில், ஏ.ஆர்.ரகுமான் இசையமைத்து தயாரித்து வெளியிட்டுள்ள இசை ஆல்பம்தான் 'மூப்பில்லா தமிழே தாயே'. தமிழின் தொன்மையையும், பெருமையையும் பறைசாற்றும் விதமாக இப்பாடல் உருவாகியுள்ளது. இந்த பாடலுக்கு பாடலாசிரியர் தாமரை வரிகளை எழுதியுள்ளார்.
மார்ச் 24 அன்று துபாய் எக்ஸ்போவில் ரகுமான் இசை நிகழ்ச்சி நடைபெற்றது. இதில் காட்சிப்படுத்தப்பட்ட இந்தப் பாடல், வெள்ளிக்கிழமை மாஜாவின் யூடியூப் சேனலில் வெளியிடப்பட்டது.
பாடல் வெளியாகி இரண்டு நாள்களாகிய நிலையில், தற்போது யூடியூப் தளத்தின் டிரெண்டிங்கில் முதலிடத்தில் உள்ளது. இதனை ஏ.ஆர்.ரகுமான் சுட்டுரையில் பகிர்ந்து ரசிகர்களுக்கு நன்றி தெரிவித்துள்ளார்.
ஏற்கெனவே முன்னாள் முதல்வரும், கவிஞருமான கருணாநிதி வரிகளில் செம்மொழியான தமிழ் மொழியே பாடலை ஏ.ஆர்.ரகுமான் இசையமைத்து வெளியிட்டிருந்தது குறிப்பிடத்தக்கது.
கடந்த சில வாரங்களாக பீஸ்ட் திரைப்படத்தின் இரண்டாவது பாடலான 'ஜாலியோ ஜிம்கானா' பாடல் முதலிடத்தில் இருந்தது. தற்போது ஏழு நாள்களான நிலையில், டிரெண்டிங்கில் 33வது இடத்தைப் பிடித்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.