இயக்குநர் வெற்றிமாறனின் உறவினரும், உதவியாளருமான மதிமாறன் இயக்கத்தில் ஜி.வி.பிரகாஷ் நாயகனாக நடித்திருக்கும் படம் 'செல்ஃபி'. இயக்குநர் கௌதம் மேனன் இந்தப் படத்தில் முக்கிய வேடத்தில் நடித்துள்ளார்.
இந்தப் படத்தில் ஜி.வி.பிரகாஷிற்கு ஜோடியாக வர்ஷா நடித்துள்ளார். இந்தப் படத்துக்கு ஜி.வி.பிரகாஷ் குமார் இசையமைக்க, விஷ்ணு ரங்கசாமி ஒளிப்பதிவு செய்துள்ளார். இந்தப் படத்தை டிஜி ஃபிலிம் கம்பெனி மற்றும் வி கிரியேஷன்ஸ் நிறுவனங்கள் தயாரித்துள்ளன.
இந்தப் படம் வரும் ஏப்ரல் 1 ஆம் தேதி திரையரங்குகளில் வெளியாகவுள்ளது. இந்த நிலையில், இந்தப் படத்தின் ஸ்நீக் பீக் எனப்படும் சில நிமிட காட்சி யூடியூபில் வெளியாகியுள்ளது.
இந்தப் படம் நீட் தேர்வு காரணமாக மாணவர்கள் தற்கொலை செய்துகொள்ளும் நிகழ்வுகளை கதைக் களமாக கொண்டுள்ளது. இந்தப் படத்தை சமீபத்தில் பாமக இளைஞரணி செயலர் அன்புமணி ராமதாஸ் பாராட்டு தெரிவித்தார் என்பது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.