நடிகர் கமல்ஹாசன் நடிப்பில் உருவாகியுள்ள விக்ரம் திரைப்படத்தின் முதல் பாடலான பத்தல பத்தல பாடல் இன்று வெளியாகி ரசிகர்களிடையே வரவேற்பை பெற்றுள்ளது.
இயக்குநர் லோகேஷ் கனகராஜ் இயக்கத்தில் நடிகர் கமல்ஹாசன் நடிப்பில் உருவாகியுள்ள திரைப்படம் விக்ரம். இந்தத் திரைப்படத்தில் நடிகர் கமல்ஹாசனுடன் நடிகர்கள் விஜய் சேதுபதி, ஃபஹத் ஃபாசில் உள்ளிட்டோர் நடித்துள்ளனர்.
இதையும் படிக்க | ஓடிடியில் வெளியானது பீஸ்ட்
ஜுன் 3 அன்று திரையரங்கில் வெளியாகும் இப்படத்தின் டிரைலர் மற்றும் அனைத்து பாடல்களும் வருகிற மே 15 அன்று வெளியாகவுள்ளன.
இந்நிலையில் இந்த திரைப்படத்தின் முதல் பாடலான பத்தல பத்தல பாடல் இன்று வெளியானது. இந்த பாடலை நடிகர் கமல்ஹாசன் எழுதி பாடியுள்ளார். நீண்ட நாள்களுக்குப் பிறகு நடிகர் கமல்ஹாசனின் அதிரடியான நடனத்தில் வெளியாகியுள்ள இந்தப் பாடலுக்கு ரசிகர்கள் வரவேற்பு தெரிவித்துள்ளனர்.