லோகேஷ் கனகராஜ் இயக்கத்தில் கமல் ஹாசன் நடித்துள்ள படம் - விக்ரம். கமல், விஜய் சேதுபதி, ஃபஹத் ஃபாசில் போன்றோர் நடித்துள்ளார்கள். ஜுன் 3 அன்று வெளியாகும் என அறிவிக்கப்பட்டுள்ளது.
அனிருத் இசையில் உருவாகியுள்ள பாடல்கள் மற்றும் டிரெய்லர் வெளியீட்டு விழா சென்னையில் சமீபத்தில் நடைபெற்றது. படத்தின் டிரெய்லர் யூடியூப் தளத்தில் வெளியானது.
இப்படத்தில் சூர்யா நடித்திருப்பதாகத் தகவல் வெளியான நிலையில் இதனைத் தற்போது உறுதி செய்துள்ளார் இயக்குநர் லோகேஷ் கனகராஜ். சூர்யாவுடன் படக்குழுவினர் இணைந்து எடுத்த புகைப்படத்தையும் வெளியிட்டுள்ளார். கமல், சூர்யா, விஜய் சேதுபதி, ஃபஹத் ஃபாசில் எனப் பெரிய நடிகர்கள் பலரும் இப்படத்தில் நடித்திருப்பதால் ரசிகர்களிடையே அதிக எதிர்பார்ப்பு உருவாகியுள்ளது.