அஜித்துடன் சந்திப்பு: தயாநிதி அழகிரி வியப்பு

ஒரு குடும்பமாக அவர்கள் அவ்வளவு அழகாக உள்ளார்கள்.

Updated On :27 மே 2022, 8:24 am

2011-ல் அஜித் நடித்த மங்காத்தா படத்தை தயாநிதி அழகிரி தயாரித்தார். பல படங்களை விநியோகம் செய்துள்ளார்.

இந்நிலையில் அஜித் மற்றும் அவருடைய குடும்பத்தினரைச் சமீபத்தில் சந்தித்துள்ளார் தயாநிதி. இதுகுறித்து தயாநிதியும் அவருடைய மனைவி அனுஷாவும் ட்விட்டரில் தகவல் தெரிவித்துள்ளார்கள்.

ட்விட்டரில் தயாநிதி கூறியதாவது: சும்மாவா சொன்னாங்க அல்டிமேட் என்று. அவர் அருகில் இருக்கும்போது கிடைக்கும் உற்சாகத்தை விளக்க முடியாது. அவரைப் பிரமிப்புடன் பார்க்கிறேன் என்றார்.

அனுஷா கூறியதாவது: திரைத்துறையில் இந்த இரு நடிகர்களின் ஆற்றலுக்கு நிகராக வேறு யாரும் அவ்வளவு பொருத்தமாக இருக்கமுடியாது. ஒரு குடும்பமாக அவர்கள் அவ்வளவு அழகாக உள்ளார்கள். நிச்சயமாக அல்டிமேட் மாலைதான் என்றார்.