'குறைவா நடிச்சுட்டு இவ்வளவு சம்பளம் கேட்கலாமா’? அமீர்கானை விமர்சித்த பிரபல நடிகை

அமீர்கானின் நடிப்பை சுட்டிக்காட்டி கடுமையான விமர்சனங்களை கூறியுள்ளார் பிரபல நடிகை.

நடிகர் அமீர்கான் நடிப்பில் சமீபத்தில் வெளியான ‘லால்சிங் சத்தா’ கடுமையான விமர்சனங்களால் வணிக ரீதியாக மிகப்பெரிய தோல்விப் படமாக அமைந்தது. இதற்குக் காரணமாக, அமீர்கான் இந்தியாவில் சகிப்புத்தன்மை குறைந்து வருவதாக சில ஆண்டுகளுக்கு முன் பேட்டியளித்ததை சுட்டிக்காட்டி பாலிவுட் ரசிகர்கள் லால்சிங் சத்தா படத்தை புறக்கணித்தனர்.

இந்நிலையில், இதனைக் குறிப்பிட்டு நடிகை கங்கனா ரணாவத் ‘இந்தியாவுக்கு எதிரான பேச்சால்தான் லால்சிங் சத்தா தோல்வியடைந்தது. அமீர்கான் ரூ.2 கோடிக்கு நடிப்பை வழங்கிவிட்டு ரூ.200 கோடி சம்பளம் வாங்குகிறார். சூப்பர் ஸ்டாருக்கான எல்லா சலுகைகளையும் பெறுகிறார். படம் ஓடவில்லையென்றால் நடிகர்கள் சம்பளத்தைக் குறைக்க வேண்டும்’ என கடுமையாக விமர்சித்துள்ளார்.