பொன்னியின் செல்வன் இரண்டாம் பாகத்தில் இருந்து முன்னோட்ட காட்சிகள்(ஸ்னீக் பீக்) வெளியாகியுள்ளது.
மணிரத்னம் இயக்கத்தில் உருவாகியுள்ள 'பொன்னியின் செல்வன்' திரைப்படம் இரண்டு பாகங்களாக எடுக்கப்பட்டு, முதல் பாகம் வெளியாகி பெரும் வெற்றி பெற்றதைத் தொடர்ந்து, இரண்டாம் பாகம் நாளை(ஏப்ரல் 28) வெளியாக உள்ளது.
பொன்னியின் செல்வன் 2 படத்துக்கான புரமோஷன் பணிகள் கடந்த சில நாள்களாக முழு வீச்சில் நடைபெற்று வருகிறது. இரண்டாம் பாகம் வரும் தமிழ், தெலுங்கு, ஹிந்தி, மலையாளம், கன்னடம் ஆகிய மொழிகளில் வெளியாக உள்ளது.
இந்த படத்தின் பாடல்கள் வெளியாகி பெரும் வரவேற்பை பெற்ற நிலையில், தற்போது ஸ்னீக் பீக் காட்சிகள் வெளியாகியுள்ளன. இதில், கார்த்தியும் ஜெயராமும் உரையாடிக் கொள்ளும் காட்சிகள் இடம்பெற்றுள்ளன.
நடிகர் கமல்ஹாசன் குரலில் பொன்னியின் செல்வன்-2 படத்தின் அறிமுக விடியோ சமீபத்தில் வெளியாகியது. முதல் பாகத்திற்கும் கமல்ஹாசன் குரலில் கதாபாத்திரங்கள் அறிமுகமானது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.