உருவாகிறது சுழல் தொடரின் இரண்டாம் பாகம்!

கதிர், ஐஸ்வர்யா ராஜேஷ், ராதாகிருஷ்ணன் பார்த்திபன், ஷ்ரேயா ரெட்டி நடிப்பில் பிரம்மா, அனுசரண் இயக்கத்தில் உருவான இணையத் தொடர் - சுழல். (Suzhal: The Vortex). தயாரிப்பு - புஷ்கர், காயத்ரி. 

இந்த இணையத் தொடர் கடந்த ஆண்டு ஜூன் 17 ஆம் தேதி அமேசான் பிரைம் ஓடிடி தளத்தில் வெளியானது. 

இதையும் படிக்க: என்னை ஆள்வைத்து அடித்தார் வடிவேலு: பிரபல நடிகர் வேதனை!

கிரைம் திரில்லர் பாணியில் உருவான இத்தொடர் பல்வேறு தரப்பு ரசிகர்களிடமும் வரவேற்பைப் பெற்றது. 

இந்நிலையில், இயக்குநர்கள் புஷ்கர் - காயத்ரி இத்தொடரின் இரண்டாம் பாகத்திற்கான திரைக்கதையை எழுதி வருவதாகவும் விரைவில் படப்பிடிப்பு துவங்க உள்ளதையும் நேர்காணல் ஒன்றில் தெரிவித்துள்ளனர்.